قصص مضحكه

قالك في مره وحده كبيره في السن كان عندها ابن عاق جدا ليها وكان دائما يصرخ في وجهها ويسرق منها في الفلوس.
عالعموم يوم من الايام قالت خلاص أنا معاش نقدر نتحمل اكثر من هكي، فقررت أنها تبلغ عنه الشرطه.
فذهبت للمركز وكلمت الضابط الموجود وقالت له عن مشكلتها ، فقال لها الضابط باهي خلاص استني شويه غير عندنا واحد لازم يأخد فلقه فبعد ما نكملوا معاه نمشوا نمسكو ولدك، فاتت تقريبا دقيقه وبعدها يدخلو اثتنين شرطيين ومعاهم واحد شاب ماسكينه وبعدين حطوه عالكرسي ورفعوا رجليه وبدأو يعطوه في فلقه، وهو الشاب مسكين يعيط وينادي وينك يأمييييييييي ، يا ميمتي ألحقيني ووووو.
فالام خافت على ولدها انو يصير له مثل هذاك الشاب لكن ما عرفت شنو تعمل حتى تتراجع..
وبعد ما أكملوا الشرطه مع هذاك الشاب مشوا للأم وقالوا لها هيا خلينا نحضروا ولدك هنا ونعملوا له اللازم وأخدوها معهم.
فأول ما طلعت شافت أمامها واحد شاب ماشي في حال سبيله فإلتفتت للشرطه وقالت لهم ألحقوا عليه هذاك هو ولدي ، عالعموم الشرطه أول ما سمعوها بدأو يجروا وراه لحد ما أمسكوه وبدأو يضربوه ويقولوا له هذي جزاة اللي ما يحترم أمه وهو مسكين يقول لهم هذي مش أمي أنا ما نعرفهاش ولكن لا حياة لمن تنادي فالشرطه ما سمعوه والأم هربت وخلاته يلاقي مصيره.
هذي قصه ثانيه أقصر من الاولى:
قالك في مره واحد طول الوقت يوقف في نص الشارع ويتكلم بصوت عالي ويقول :
الدقيق غالي و ليش الدقيق غالي و و
عالعموم بعد ما سمعوا به الشرطه وحتى ما يعمل شوشره في البلد أمروا بأن يقبض عليه ويعاقب عقوبه مناسبه، فمسكوه الشرطه و جابو سطل مليان دقيق وبدأو يدخلوا رأسه بهذاك السطل ويطلعوه وقعدوا على هذاك المنوال تقريبا ربع ساعه وبعدها لاحظ أحد الشرطيين أن الراجل قاعد يضحك فأوقف زملائه وسأله:
توه بالله عليك احنا قاعدين نعاقبوا فيك وإنت تضحك، شنو إنت هبلت؟
فرد عليه الراجل وقال:
أنا قاعد نحمد في ربي أني تكلمت على الدقيق مش الفلفل الأحمر ههههه
وقصه ثالثه صايره مع أختي الصغيره شخصيا:
مره أخوي جوجو قال لأختي أنها تسوي له ساندوتش بالتن والهريسه " الهريسه مثل الكتشاب لكنها مصنوعه بالفلفل الأحمر والثوم" عالعموم أختي كان دمها محروق من طلباته الهلبه فمشت للمطبخ وهي متعصبه وطلعت علبة التن وبدل ما تأخد علبة الهريسة أخذت علبة معجون الطماطم وعملت له الساندويتش بالتن ومعجون الطماطم وأخي يمكن من كثر جوعه أكله بالكامل ولم يحس بطعم الطماطم إلا في النهاية وبعد ما عرف قام وأعطاها علقه ولكن أبي بدأ يدافع عنها ويقول له هي شنو تسوي لك إذا إنت كنت مفجوع عالأكل وما عرفت طعم الطماطم إلا في النهايه..

تشكر علي الطرح

تشكر علي الطرح الرائع

مشكور يا دارنا علي الموضوع

شكرا لكل الردور اي خدمه